Аб выяўленні каранцінных аб'ектаў з 21 па 27 лістапада 2025 года

За перыяд з  21 па 27 лістапада 2025 года года iнспектарамi дзяржаўнай установы «Галоўная дзяржаўная інспекцыя па насенняводству, каранціну і ахове раслін» па выніках каранціннага фітасанітарнага кантролю (нагляду) у імпартнай падкаранціннай прадукцыі, якая ўвозiлася ў Рэспублiку Беларусь, было выяўлена 5 вiдаў каранцінных аб'ектаў у 10 выпадках выяўлення:

– заходні кветкавы трыпс (Frankliniella occidentalis Pergande) – 1 выпадак на руккале свежай;

– амброзія палыналістая (Ambrosia artemisiifolia L.) – 2 выпадка ў насеннi сланечнiка для перапрацоўкі;

– чарада валасістая (Bidens pilosa L.) - 4 выпадкi ў шроце соевым;

– вірус карычневай маршчыністасці пладоў тамата (Tomato brown rugose fruit virus) – 1 выпадак у насенні тамата і 1 выпадак у перцы свежым;

– зебра чып (Candidatus Liberibacter solanacearum) - 1 выпадак у насенні морквы. 

Па выніках каранціннага фітасанітарнага кантролю (нагляду) ва ўсіх выпадках выяўлення каранцінных аб'ектаў прыняты меры ў адпаведнасці з нарматыўнымі прававымі актамі Еўразійскага эканамічнага саюза.

Даведка: Амброзія палыналістая з'яўляецца найбольш распаўсюджаным і шкоднасным каранцінным пустазеллем, якое засмечвае збожжавыя, прапашныя і тэхнічныя культуры, абочыны дарог, выклікае алергічныя рэакцыі падчас цвіцення. A. artemisiifolia развіваецца як аднагадовая яравая расліна, цеплалюбівая і святлалюбівая. Вегетуе да позняй восені. Сцябло прамое, вышынёй ад 20 да 200 см. Лісце двойчы перыстараздельнае, чарговае. Кветкі раздельнополыя. Суквецце -кошыкі, сабраныя ў кісточкі. Час цвіцення з ліпеня па кастрычнік. Плоданашэнне: верасень - лістапад. Пладавітасць расліны - да 100 000 сямянак. Размнажаецца насеннем і каранёвай параснікам.

Для прадухілення ўвозу амброзіі палыналістнай з імпартнай падкаранціннай прадукцыяй з зон, дзе дадзенае пустазелле шырока распаўсюджана, рэкамендуецца праводзіць пільны кантроль за насенным матэрыялам і кармамі, сістэматычна абследаваць сельскагаспадарчыя ўгоддзі для выяўлення «першасных» ачагоў пустазелля.

1.12.2025