Аб выяўленні каранцінных аб'ектаў з 21 па 27 лютага 2025 года

За перыяд з 21 па 27 лютага 2025 года інспектарамі дзяржаўнай установы «Галоўная дзяржаўная інспекцыя па насенняводству, каранціну і ахове раслін» па выніках каранціннага фітасанітарнага кантролю (нагляду) у імпартнай падкаранціннай прадукцыі, якая ўвозiлася ў Рэспублiку Беларусь, было выяўлена 5 вiдаў каранцінных аб'ектаў у 33 выпадках выяўлення:

– заходні кветкавы трыпс (Frankliniella occidentalis Pergande) - 1 выпадак на суніцах свежых;

– міжземнаморская пладовая муха (Ceratitis capitata Wiedemann) - 1 выпадак у апельсінах свежых;

– паўдневаамерыканская таматная моль (Tuta absoluta (Meyrick) – 1 выпадак у таматах свежых;

– павіліка (Cuscuta spp.) - 29 выпадкаў у збожжы пшаніцы харчовай;

– гарчак паўзучы (Acroptilon repens DC.) - 1 выпадак у насенні рапсу харчовага.

Па выніках каранціннага фітасанітарнага кантролю (нагляду) ва ўсіх выпадках выяўлення каранцінных аб'ектаў прыняты меры ў адпаведнасці з нарматыўнымі прававымі актамі Еўразійскага эканамічнага саюза.

Даведка: Міжземнаморская пладовая муха - небяспечны каранцінны шкоднік, які пашкоджвае такія культуры, як цытрусавыя, персік, абрыкос, груша, чарэшня, вішня, сліва, яблыня, вінаград, айва, банан, авакада, хурма, інжыр, гранат, фінік і г.д. Асноўную шкоду наносяць лічынкі, якія сілкуючыся пладамі, выклікаюць іх заўчасны апад. Муха пры яйцакладцы пашкоджвае лупіну плоду, што выклікае развіццё цвілі і гніенне пладоў тым самым змяншаючы таварныя якасці прадукцыі.

Асноўны спосаб распаўсюджвання - заселеная шкоднікам раслінная прадукцыя, мухі могуць быць перавезены ў транспарце з грузамі, у грузавых і пасажырскіх салонах.

3.03.2025