Аб выяўленні каранцінных аб'ектаў з 12 па 18 студзеня 2024 года
За перыяд з 12 па 18 студзеня 2024 года iнспектарамi дзяржаўнай установы «Галоўная дзяржаўная інспекцыя па насенняводству, каранціну і ахове раслін» па выніках каранціннага фітасанітарнага кантролю (нагляду) у імпартнай падкаранціннай прадукцыі, якая ўвозiлася ў Рэспублiку Беларусь, было выяўлена 4 вiда каранцінных аб'ектаў у 9 выпадках выяўлення:
– амброзія палыналістая (Ambrosia artemisiifolia L.) – 3 выпадка ў насенні сланечніка харчовага (60,0 т);
– чарада валасістая (Bidens рilosa L.) – 2 выпадка ў соевым шроце (135,7 т);
– вірус мазаікі пэпiна (Pepino mosaic virus) – 2 выпадка ў таматах свежых (0,156 т);
– вірус карычневай маршчыністасці пладоў тамата (Tomato brown rugose fruit virus) – 2 выпадка ў таматах свежых (16,0 т).
Па выніках каранціннага фітасанітарнага кантролю (нагляду) ва ўсіх выпадках выяўлення каранцінных аб'ектаў прыняты меры ў адпаведнасці з нарматыўнымі прававымі актамі Еўразійскага эканамічнага саюза.
Даведачна: Чарада валасістая, Bidens рilosa L. - небяспечнае каранціннае пустазелле, агрэсіўнае, цяжка выкараняецца, засмечвае пасевы сельскагаспадарчых культур, сады, пашы, а таксама ўгоддзі не сельскагаспадарчага прызначэння. Арэал гэтай расліны дастаткова шырокі і ахоплівае некалькі кантынентаў: Еўропу, Азію, Амерыку. Шкоднасць B. pilosa выяўляецца ў зніжэнні ўраджайнасці культурных раслін з-за хуткага росту і вялікага памеру пустазелля. Акрамя гэтага, устаноўлена, што экстракт з раслін чарады волосістой запавольвае прарастанне насення соі і арахіса. Пры гэтым інгібітары прарастання захоўваюцца ў сухіх частках раслін, а пры раскладанні раслінных астаткаў вызваляюцца ў глебу.
Насенне чарады валасістай могуць быць завезены на тэрыторыю нашай рэспублікі са збожжам і шротам соі, кукурузы, сланечніка, насеннем кветак і іншых культур з краін, дзе пустазелле мае шырокае распаўсюджванне. Калючыя шчацінкі насення лёгка чапляюцца да поўсці жывёл, адзення чалавека і такім чынам разносяцца на далёкія адлегласці.
22.01.2024
Іншыя навіны
18.06.2021
Правядзенне ахоўных мерапрыемстваў сельскагаспадарчых раслін пры павышаным тэмпературным рэжыме
07.05.2021
Дадатак да Дзяржаўнага рэестру сродкаў аховы раслін і ўгнаенняў
18.02.2021
Выкананне тэмпературнага рэжыму пры захоўванні сродкаў аховы раслін
03.02.2021
Увага! АБIГА-ПIK.
13.01.2021
Аб пасяджэнні рабочай групы па пытаннях развіцця насенняводства ў ЕАЭС
24.12.2020
Праверка кваліфікацыі ў 2020 годзе
27.08.2020
Семінар - нарада па пытаннях насенняводства кукурузы